የቀይ ባህሩአንበሳ አሉላ አባ ነጋ

የአድዋ ድልና የአሉላ አባ ነጋ ጠላቶች
ከአንተነህ መርዕድ
እነሆ ለኢትዮጵያውያን ብቻ ሳይሆን ለመላው ጥቁር ኩራት የሆነውን የአድዋን ድል 118ኛ ዓመት
ልናከብር ተዘጋጅተናል። ይህንን ታላቅ ቀን ባንድ ትንሽ ማስታወሻ ብዙ ማለት ባይቻልም ለድሉ አስተዋጾ
ካደረጉት ታላላቅ ኢትዮጵያውያን አሉላል ላነሳ ፈለግሁ። አሉላ አባ ነጋ ትግራይ ውስጥ በተንቤን አውራጃ
መናዌ በምትባል መንደር እንግዳ ቁቤ ከተባሉ ገበሬ ነው የተወለዱት።በወጣትነታቸው በሚያሳዩት
ጀግንነት የአጼ ዮሃንስን የዚያንጊዜውን ካሳ ምርጫን ትኩረት ስበው ነበር።

(ጀግናው አሉላ በወጣትነታቸው)

አሉላ በቅድሚያ ጀግነታቸውን ያስመሰከሩት ጉንደትና ጉራዕ በዋለው ጦርነት ለወረራ የመጡትን
ግብጾች ለነጋሪም እንዳይተርፉ በጨረሷቸው ወቅት ነው። ከዚህም ድል በሁዋላ በ35 ዓመታቸው ራስ
ሆነው ተሾሙ። የመረብ ምላሽ ገዥም ሆኑ።የአስመራን ከተማም ቆረቆሯት። ቁልቁል ወደ ቀይ ባህር
እየተመለከቱም ኢትዮጵያን ለመውረር ለሚመጣ ጠላት ሁሉ መቅሰፍት ሆኑት። በኩፊት ጦርነትም ማህዲስቶችን ድል አድርገው ለእንግሊዞች በር ከፍተውላቸዋል።(ሁኣላ
እንግሊዞች ቢክዱንም)
በዚህ የተናደዱት አሉላ የእንግሊዙን ተወካይ አውጉስቶስ ዋይልዴን ሲያገኙት “ አገርህ እንግሊዝ
ምን ማለቷ ነው የሄዊትን ስምምነት ጥሳ ጣልያን ያገሬን መሬት ልትወስድ የፈቀደችው? ከቦጎስ የግብጾችን
መከበብ ተዋግቼ ነጻ አላወጣሁም? ከሰላ ላይ አስቸጋሪውን ጦርነት አልተጋፈጥሁም? የምችለውን ሁሉ
አላደረግሁም? እናንተ እንግሊዞች እናንተ የምትፈልጉትን ካደረግንላችሁ በሁዋላ
ተዋችሁን(ካዳችሁን)”ሲሉ በንዴት ገልጸዋል። (What does England mean by destroying
Hewett’s treaty and allowing the Italians to take my country from me? …Did I not relieve
the Egyptian garrison in the Bogos country? Did I not fight at Cassala when it was too
late? Have I not done everything I could? You English used us to do what you wanted
and then left us)
ከእንግሊዝ ክህደት በሁዋላ በዲ ክሪስቶፎሪስ እየተመራ ኢትዮጵያን ሊወር በ540ጣልያናውያንና
በአምሳ ያገሬው ተወላጆችተጠናክሮ የመጣውን የኢጣልያ ሰራዊት ሰሃጢ ላይ አድክመው ዶጋሊ ላይ
ጨረሱት። ከዚያ ወራሪ ለወሬ ነጋሪነት የተረፉት ስምንት ብቻ ሲሆኑ ቀሪውን በመግደል ጠላትን
አሸማቀውታል።

(የቀይ ባህሩ አንበሳ አሉላ አባ ነጋ በጎልማሳነታቸው) ጣልያኖች በዶጋሊ የወደቁባቸውን አምስት መቶ ወታደሮቻቸውን መታሰብያ ሃውልት በሮማ ፒያሳ
ዲቺንኩዬሴንቶ ላይ አቁመው የአምስት መቶው ወታደሮች ስም በዝርዝር ተቀምጦ በየዓመቱ ሰኔ አምስት
ቀን ሲከበርላቸው አይደለም ተራ የኢትዮጵያ አርበኛ ድሉን የመሩት አሉላ ታሪካቸው እንዲዳፈን የባንዳ
ልጆች ይራወጣሉ።
የኢትዮጵያውያን ጀግንነት የታየበትና የጥቁር ዘር ሁሉ የኮራበት፤ የበላይነት የሚሰማቸው የነበሩ
ነጮችም ልካቸውን ያወቁበት ታላቁ የአድዋ ድል ጉልህ ድርሻ የአሉላ አባ ነጋም ነው። ጠርጣራውና
የጠላትን ተንኮል አጥርተው የሚያውቁት አሉላ በሰላዮቻቸው ባገኙት መረጃ ነበር ጣልያን የተፈጠመው።
አዋዕሎምና ጓደኞቻቸው የኢጣልያንን መንቀሳቀስ፣ የመጣበትንም አቅጣጫ፣ የጦሩንም አይነትና መጠን
ለራስ አሉላ መረጃ ሰጡ። እሳቸውም ለአጼ ምንይልክ አስተላልፈው ጣልያንን ራሱ ባጠመደው ወጥመድ
ውስጥ ከተቱት። አውጉስቶ ዋይልድ ስለ ራስ አሉላ የአድዋ ጦርነት አስተዋጾ የሚከተለውን ብሏል ።
The Abysssinians never expected to be attacked, and the Italian advance would have
been a complete surprise, had it not been for Ras Aloula, who never believed the Italian
officials, and would never trust them. Two of his spies observed the Italians
leave Entiscio, and arrived by a circuitous route, and informed Ras Aloula, who was one
mile to the north of Adi-Aboona, that the enemy was on the march to Adowa. The Ras
immediately informed King Menelik and the other leaders, and the Abyssinians
prepared for battle, sending out strong scouting parties in all directions in front of their
positions towards Entiscio.During the battle itself, Ras Alula was assigned to watch the
Gasgorie Pass and block the arrival of Italian
reinforcements coming from Adi Quala.
(አዛውንቱ የአድዋ ጀግና አሉላ አባ ነጋ) የሰባ ዓመቱ አዛውንት ራስ አሉላ ቁልፍ ቦታ ይዘው ነው ጣልያንን በአድዋ እንዳይተርፍ ያደረጉት።
በተቃራኒውስ ማን ነበር?
ጣልያንማ አገርን ቅኝ ሊገዛ ከሃያላን ፈቃድ አግኝቶ የመጣ የምር የኢትዮጵያ ጠላት ነው።
ዓላማውም ግልጽ ስለነበር ሁሉም ኢትዮጵያዊ ሊቋቋመው ቆርጦ ተነስቷል። አዛውንቱ ጀግናው አሉላ
አባነጋም ጭምር። ጣልያኖችን በመንገድ መሪነት፣ በሰላይነት፣ ምግብ አብሳይነትን የመሰለ የተዋረደ ስራ
ከማገልገል አልፈው ኢትዮጵያውያን ወንድሞቻቸውን ጠላት ባስታጠቃቸው መሳርያ ለመቅጠፍ የተሰማሩ
ባንዳዎች ነበሩ። ከጣልያንም በላይ ግን እነዚህ ባንዶች ነበሩ የከፉ የኢትዮጵያ ጠላቶች።ከነዚህ በዋናነት
ከተሰለፉ ከሃዲ ባንዳዎች አንዱ የመለስ ዜናዊ አያት ባሻ አስረስ ተሰማ በሁዋላም በጣሊያን ደጃዝማች
ሆነው የተሾሙ ናቸው።

(ለጣልያን አድረው ኢትዮጵያን የወጉ የመለስ ዜናዊ አያት ባሻ አስረስ ተሰማ እኒህ ነበሩ)
ራስ አሉላን የመሰለ የትግራይ ጀግና ፣ እንኒህን የኢትዮጵያ ብሎም የአፍሪካ ጀግና ጠላቶቻቸው
ጣልያኖችና እንግሊዞች ሳይቀሩ ከሃኒባል በሁዋላ የተፈጠረ ጀግና ጥቁር ጄኔራል አሉላ ብቻ ነው ብለው
የመሰከሩላቸውን ነው የትግራይ ህዝብ ገናና ታሪክ ንቀት ያላቸው የባንዳ ልጆች በአሉላ ስም የተሰየመን
ትምህርት ቤት በሌላው የባንዳ ልጅ ስም የቀየሩት።
የህወሃት ካድሬዎች ለመለስ ዜናዊ ሺ ሃውልት መሥራት ይችላሉ። በአሉላ ስም የተሰየመን
ትምህርት ቤት በመለስ መተካት ግን የትግራይን ብሎም የኢትዮጵያን ህዝብ ታሪክ መካድ ብሎም መስደብ
ነው። የባንዳ ልጆች አሉላን ከልብ ይጠሏቸዋል። ባንዳ አባቶቻቸውንም ከጌቶቻቸው ግብጾችና ጣልያኖች
ጋር ደርበው ገድለውባቸዋልና።
በህወሃት አመራር ላይ ያሉና ቁልፍ ስልጣን የተቆጣጠሩ የባንዳ ልጆች በአሉላ፣ በትግራይና
አጠቃሎም በኢትዮጵያ ህዝብ ስር የሰደደ ቂም አላቸው። ኢትዮጵያን ታሪክ ለማጥፋት ከዛሬ የተሻለ ጊዜ
አያገኙም።
እኛም ራሳችንን ኢትዮጵያዊ የምንል ይህችን አገር ለማዳን ከዛሬ የተሻለ ጊዜ የለንም። ነገማ እኛም
አገሪቱም እንደነበርን አንገኝም።
ኢትዮጵያን አግዚአብሄር ይባርካት

amerid2000@gmail.com

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: